QAZAQ GREEN. Сенаттың вице-спикері Ольга Перепечинаның төрағалығымен Тұрақты даму саласындағы ұлттық мақсаттар мен міндеттердің іске асырылуын бақылау жөніндегі Парламенттік комиссияның отырысына дайындық аясында «ТДО іске асыру аясында Қазақстандағы баламалы энергия көздері мен «жасыл» технологияларды дамыту» тақырыбында жұмыс кездесуі өтті.

Ольга Перепечина Қазақстанда анағұрлым әртараптандырылған және «жасыл» экономиканы құру үшін құрылымдық реформалар қазірдің өзінде басталғанын атап өтті.

«Қазақстан трансформациясының негізінде елдегі парниктік газдар шығарындыларының төрттен үш бөлігін құрайтын энергетикалық жүйені терең декарбонизациялау жатыр. Энергетика секторын декарбонизациялау бізге екі есе пайда әкелуі тиіс: көміртегі шығарындыларын азайту және климат өзгеруінің салдарын азайтуға ықпал ету, ал таза отынға көшу арқылы отынның жануынан атмосфераға ластаушы заттардың шығарылуын азайту», - деді Ольга Перепечина.

Сондай-ақ сенаторлар сутегі энергетикасын дамытуға инвесторлар тарту үшін жағдай жасаудың маңыздылығын атап өтті. Депутаттар жергілікті атқарушы органдар барлық қажетті инфрақұрылымды ескере отырып, жаңартылатын энергия жобалары үшін ықтимал жер телімдерін алдын ала анықтауы тиіс деп санайды.

Экология және табиғи ресурстар вице-министрі Мансур Ошурбаев жасыл технологиялар саласындағы жұмыс туралы айтып берді. Ол Қазақстанда бірқатар заңнамалық құжаттарды қабылдау арқылы «жасыл» экономикаға көшудің ұйымдастырушылық-құқықтық негіздері жасалғанын мәлімдеді.

Сонымен бірге, «Экономикалық зерттеулер институты» АҚ, «Qazaq Green» жаңартылатын энергия көздері қауымдастығы, Жас ғалымдар альянсы және Сенат жанындағы Жас сарапшылар клубының өкілдері өз баяндамаларын жасады.

«Жаңартылатын энергия саласындағы жетістіктер желілік инфрақұрылымды нығайтудың маңыздылығын растайды. Біздің келесі қадамдарымыз екіжақты келісім-шарттарды дамытуды және «жасыл» сутегінің мүмкіндігі мен болашағына терең талдау жүргізуді қамтиды», - деді Qazaq Green жаңартылатын энергия қауымдастығының басқарма төрайымы Айнұр Соспанова.