QAZAQ GREEN. Ағымдағы жылдың 4 наурызында Астанада «Qazaq Green» ЖЭК қауымдастығы «Оңтүстік-Шығыс және Шығыс Еуропа, Оңтүстік Кавказ және Орталық Азия елдерінде климаттық саясат саласындағы әлеуетті дамыту» GIZ жаһандық жобасының (CDCP) қолдауымен ұйымдастырған жаңартылатын энергия көздері секторының өкілдерімен кездесу өтті.

Пікірталасқа Қазақстанның мемлекеттік органдарының, өнеркәсіптік кәсіпорындарының және ЖЭК секторының инвесторларының өкілдері қатысты.

«Бүгінгі дөңгелек үстел жаңартылатын энергетика саласындағы GIZ жобасының және Қазақстанның көміртегі бейтараптығына қол жеткізу стратегиясын әзірлеудің қолдауымен өткізіледі. Біз GIZ неміс агенттігіне біздің ЖЭК секторына ерекше назар аударғаны үшін алғыс айтамыз. «Qazaq Green» қауымдастығымен бірлесіп, отандық және әлемдік брендтердің тауар өндірушілерінің проблемаларына арналған екінші іс-шара өткізілуде. Бұл Қазақстан Дүниежүзілік сауда ұйымының мүшесі болып табылатындығына байланысты, онда нарықтық қарым-қатынас жоғары бағаланады және барлық тауар өндірушілерге олардың шығу тегіне қарамастан кемсітусіз көзқарас құпталады», – деді «Qazaq Green» ЖЭК қауымдастығының Директорлар кеңесінің төрағасы Нұрлан Қапенов.

Іс-шара аясында жаңартылатын энергия көздері секторын жеткізушілердің жетістіктері мен жаңа техникалық шешімдері ұсынылды және Photomate, Longi Solar, «Майами Solar» ЖШС, Umai R&D, «Profland-RT» ЖШС және басқа да компаниялар қатысты.

ЖЭК-жобалардағы жергілікті қамтудан басқа, дөңгелек үстелге қатысушылар Қазақстанда ЖЭК жобаларын іске асыруға жеткізушілердің қатысуы үшін бар проблемалар мен кедергілерді талқылады.