QAZAQ GREEN. Nature Energy журналында жарияланған мақаланың авторларының пікірінше, қолданыстағы ірі су қоймаларына орнатылған қалқымалы күн электр станциялары Африкада жобаланған гидроэлектр станциялар шығаратын электр энергиясының 20%-ынан 100%-на дейін өндіруге қабілетті, деп хабарлайды osp.ru.

Олар Африка құрлығының бүкіл энергетикалық жүйесінің моделін құрды және қалқымалы күн электр станциялары жаңартылатын энергияның басқа көздерімен бәсекеге түсе алады және Африканың болашақ энергетикалық балансының маңызды бөліктерінің бірі бола алады деп сендіреді.

Авторлар ресурстарды кешенді жоспарлаудың және аумақтары арқылы өзендер ағып жатқан бірнеше мемлекеттің экономикасына әсерін ескерудің маңыздылығын атап көрсетеді. Мысалы, Замбези өзенінің егжей-тегжейлі зерттеуі жаңа бөгеттерге салынған күрделі салымдардың мөлшерін аз су қоймаларын салу және генерацияны қалқымалы күн батареяларымен толықтыру арқылы тиімдірек пайдалануға болатынын көрсетті. Бұл тәсіл генерацияның жылдық ауытқуын 12% төмендетеді және құрғақшылық жағдайларына төзімді болады, дейді авторлар.