QAZAQ GREEN. Варшава технологиялық университеті мен Познаньдағы Адам Мицкевич университетінің ғалымдары қыста фотоэлектрлік күн панельдерін мұздан қорғайтын жабын ойлап тапты. Олар бұл үшін аязға қарсы қасиеттерін күшейтетін октасферосиликаттармен өзгертілген мөлдір силикон эпоксидін пайдаланды, деп хабарлайды 112.ua.

Зерттеушілердің айтуынша, күн панельдеріне қар мен мұздың жиналуы жарықтың өтіміне кедергі жасап, қыс мезгілінде электр қуатын өндіруді азайтуы мүмкін. Жаңа жабын өнеркәсіпте қолданылатын тиімсіз мұздануға қарсы әдістердің орнын басуы мүмкін. Әдебиеттерде мұндай шайырлар мен жабындардың ұқсас модификациялары туралы ақпарат жоқ.

Ғалымдар әртүрлі химиялық құрамдары бар бес түрлі жабын үлгісін жасап шығарды. Тестілеу кезінде олар мұздың жабынға жабысып қалуын 43%-ға төмендетіп, модификацияланбаған жабынмен салыстырғанда мұз қатуын 70 есе ұзағырақ тежей алды.

Зерттеушілер мұндай жабындарды фотоэлектрлік панельдерде қолдануға болатынын да атап өтті, себебі модификация олардың оптикалық қасиеттеріне әсер етпейді. Бұрын Австралияда күн энергиясы экология мәселесіне айналғаны, күн панельдерін қайта өңдеудің жоғары құнына байланысты оларды полигондарға тастау мәселесі туындағаны белгілі болған еді.