2030 жылға қарай әлемде жаңартылатын энергия көздepiнiң (ЖЭК) қуатын үш есе арттыру қажег. Бұл туралы KAZENERGY XV Еуразиялық форумында жаңартылатын энергия көздері жөніндегі халықаралық агенттіктің (IRENA) бас директоры Франческо Ла Камера хабарлады.

«IRENA 2030 жылға қарай 11 тераватт ЖЭК алуға шақырады, бұл жыл сайын 4 трлн доллар инвестицияны қажететеді», - деп атап өтті ол.

Агенттіктің бас директорының айтуынша, әлемде ЖЭК негізіндегі болашақ үшін тиімді және бәсекеге қабілетті құралдар мен технологиялар бар.

«2000 жылдан бері іске қосылған жаңартылатын энергия көздері 2022 жылы электр энергетикасы секторында отын шығындарын 500 млрд доллардан астам үнемдеуге мүмкіндік берді. Сол жылы әлем бұрын-соңды болмаған 295 гигаваттық өсімнің (ЖЭК куатының - Ред.) куәсі болды, ЖЭК жобаларына 1,3 трлн доллар инвестицияланды және секторда миллион жаңа жұмыс орны ашылды», - деп атап өтті Франческо Ла Камера.

Ол ЖЭК енгізу мен инвестиция тартудың рекордтық көрсеткіштеріне қарамастан, электр энергетикасы секторына өзгерістер қажет екенін атап өтті.

«Біз қазба отын көздеріне тәуелді жүйенің қаншалықты нәзік болатынын байқадық. Бұл нәзіктік климаттық дағдарыспен одан әрі күшейе түседі, ол қазір Орталық Азиядағы құрғақшылық пен су тапшылығынан көрінеді», - деп атап өтті IRENA басшысы.

Сондықтан, оның айтуынша, бүгінде бүкіл әлем үш іргелі бағытқа назар аударуы керек: инфрақұрылым, саясат және еңбек ресурстарын дамыту.

«Біріншіден, біз энергетикалық инфрақұрылымды орталықтандырылмаған жаңартылатын көздерді қабылдай алатындай етіп жаңартып, кеңейтуіміз керек, тарату жүйелері осы жаңа ландшафтқа бейімделуі тиіс. Екіншіден, біздің саясатымыз бен нормативтік негіздеріміз қазба отындарының рөлін темендету және жаңартылатын көздерді ілгерілету арқылы энергетикалық ауысуды жеделдетуге басымдық беруі тиіс», - деп нақтылады ол.

Үшіншіден, білікті кадрлар қажет. ЖЭК-те миллиондаған жұмыс орындары құрылуы мүмкін және бұл білім беру мен кәсіби дайындықта үйлестірілген күш-жігерді қажет етеді.

«Бұл трансформация үшін инвестиция өте маңызды. Қазақстан үлкен күн және жел ресурстарын иеленіп, жақсы жағдайда. Ел өзінің энергетикалық теңгерімін әртараптандыру үшін маңызды қадамдар жасады - соңғы 4 жылда шамамен 2 гигаватт жаңартылатын энергия көздері орнатылды», - деп атап өтті Франческо Ла Камера.