QAZAQ GREEN.  Ортақ электр энергетикалық нарығының жұмыс істеу қағидаларының жобалары Еуразиялық экономикалық одақ органдарының қарауына дайын, деп хабарлайды Еуразиялық экономикалық комиссияның баспасөз қызметі.

Бұл мәлімдеме 24 тамызда Шолпон-атада (Қырғызстан) өткен ЕЭК Алқасы жанындағы Электр энергетикасы жөніндегі консультативтік комитет отырысының қорытындысы бойынша жасалды, онда еуразиялық «бестік» елдерінің энергетика саласындағы уәкілетті органдары мен жетекші энергетикалық компанияларының өкілдері ЕАЭО ортақ электр энергетикалық нарығының нормативтік базасын қалыптастыруды талқылады.

«Отырыста келісілмеген ережелердің едәуір саны реттелді. Ортақ электр энергетикалық нарығының жұмыс істеу қағидаларының пакетіне кіретін екі құжаттың жобалары жоғары деңгейде қабылдау және бекіту үшін дайындалған. Электр энергиясымен өзара сауда ережелерінің жобасы жоғары деңгейде дайындықта», - деп хабарлады баспасөз қызметі.

Консультативтік комитет ЕАЭО-ның ортақ электр энергетикалық нарығында мемлекетаралық қималардың өткізу қабілетін айқындау және бөлу қағидаларының жобасын мақұлдады. Құжат жобасы қыркүйекте ЕЭК Алқасының отырысында қаралады.

«Сондай-ақ, отырыста сауда-саттықтан тыс мемлекетаралық беруге шарттар жасасуға қатысты мәселені қоспағанда, ортақ электр энергетикалық нарық шеңберінде электр энергиясын (қуатын) мемлекетаралық беру жөніндегі қызметтерге қол жеткізу қағидаларының жобасы келісілді, егер тараптарда оның шарттары бойынша келіспеушіліктер болса, оны ЕЭК кеңесі қарайтын болады», - деп нақтылады баспасөз қызметі.

Электр энергиясының өзара саудасы қағидаларының жобасында ЕАЭО-ның ортақ нарығындағы сауда валютасы туралы мәселе реттелді. «Тараптар бір тәулікке алға орталықтандырылған сауда кезінде және шұғыл келісімшарттар бойынша электр энергиясына өтінімдер беру және бағаларды тіркеу юрисдикциясында орталықтандырылған сауда операторы өз қызметін жүзеге асыратын мүше мемлекеттің валютасында жүзеге асырылады деп уағдаласты», - деп түсіндірді ЕЭК-те.

«Электр энергиясының ортақ нарығының жұмыс істеуін регламенттейтін барлық құжаттарды тезірек келісу еуразиялық «бестік» президенттері белгілеген мерзімде электр энергиясының еркін саудасын ұйымдастыруға мүмкіндік береді», - деп атап өтті іс-шараны қорытындылай келе, ЕЭК энергетика департаментінің директоры Вадим Закревский.

«Ортақ нарықта электр энергиясының орталықтандырылған саудасын ұйымдастыру үшін ЕЭК Кеңесі осындай сауда операторларын айқындауы тиіс. Беларусь, Қазақстан және Ресей ЕАЭО ортақ электр энергетикалық нарығында жұмыс істеу үшін өздерінің сауда алаңдарын ұсынғанын атап өту қажет. Бұл - Беларусь әмбебап тауар биржасы, Электр энергиясы мен қуаты рыногының қазақстандық операторы, Санкт-Петербург халықаралық тауар-шикізат биржасы және Ресейлік сауда жүйесінің әкімшісі. ЕЭК Кеңесінің тиісті өкімінің жобасы дайындалды, ЕАЭО елдерінің энергетика министрлерімен келісілді және ЕАЭО органдарының қарауына жіберілді», - деп толықтырды баспасөз қызметі.