QAZAQ GREEN. Еуразиялық экономикалық одақ елдерінің энергия үнемдеу, экология және жаңартылатын энергия көздерін (ЖЭК) дамыту саласындағы отын-энергетикалық кешенін дамыту перспективаларын ЕЭК энергетика және инфрақұрылым министрі Арзыбек Кожошевтің төрағалығымен өткен Еуразиялық экономикалық комиссияның, ЕАЭО елдерінің ғылыми және бизнес-қоғамдастықтарының өкілдері осы аттас халықаралық дөңгелек үстел барысында талқылады. Іс-шара 24 сәуірде Мәскеуде Комиссия алаңында өтті.

Арзыбек Кожошев одақтың әрбір мемлекетінің экономикасын көміртексіздендіу мен энергия тиімділігін арттырудың кезең-кезеңімен кешенді жоспарын әзірлеу қажеттігін атап өтті. Талқылау барысында Еуразиялық «бестік» елдерінің отын-энергетикалық кешенінің төмен көміртекті даму перспективалары, ЖЭК дамуын ынталандыру тетігі ретінде жасыл сертификаттар шығару мәселелері және тағы басқалар талқыланды.

«ЕАЭО-да энергетикалық ресурстарды әртараптандыру, жаңа жұмыс орындарын құру, ғылыми және инновациялық зерттеулердің өсуі және жоғары технологиялық өнім көлемінің тиісті ұлғаюы есебінен мүше мемлекеттердің экономикалық дамуына жаңа серпін бере алатын жаңартылатын энергетиканы дамыту үшін айтарлықтай әлеует пен барлық алғышарттар бар», – деп мәлімдеді ЕЭК министрі.

Көміртексіздендіру саласындағы халықаралық ынтымақтастықты талқылау кезінде дөңгелек үстелге қатысушылар Азия өңірі елдеріндегі (ҚХР, Үндістан, Жапония) энергетикалық ауысу тақырыбына, БҰҰ-ның Климаттың өзгеруі жөніндегі негіздемелік конвенциясына қатысушылардың кезекті конференциясының күн тәртібіне және шығарындылар саудасы жүйесін дамыту перспективаларына баса назар аударды. Атом энергетикасын дамыту тақырыбы және Қытайдағы жасыл жобаларды қолдау шаралары егжей-тегжейлі қарастырылды. Үндістандағы күн энергетикасын дамыту жобалары, ЕАЭО мен Сауд Арабиясы мемлекеттерінің таза энергия өндіру саласындағы ынтымақтастығының мысалдары талқыланды.

Дөңгелек үстел қорытындысы бойынша қатысушылар бірлескен мәлімдеме қабылдады, онда ЕАЭО елдерінің жаңартылатын энергетиканы дамыту саласындағы өзара іс-қимылын кеңейту қажеттілігі атап өтілді, одақта энергия үнемдеу, экология және ЖЭК дамыту саласындағы интеграцияны кеңейтудің елеулі әлеуетіне баса назар аударылды.