QAZAQ GREEN. Еуропалық Қайта Құру және Даму банкі (ЕҚДБ) Абшерон түбегінде жел электр станциясының құрылысын қаржыландыруды жоспарлап отыр. Бұл туралы Trend-ке берген эксклюзивті сұхбатында ЕҚДБ-ның Шығыс Еуропа және Кавказ бойынша басқарушы директоры Маттео Патроне айтты.

Оның айтуынша, баламалы энергия көздері бүгінде «жасыл» технологияларға көшу тұрғысынан ғана емес, қаржылық тұрғыдан да тартымды.

«Біз Әзербайжандағы декарбонизация бағдарламаларын инвестициялық деңгейде де, саяси деңгейде белсенді қолдаймыз. Біз бұған дейін Гарадагтағы алғашқы күн электр станциясының құрылысына инвестиция салдық, енді Абшерон түбегіндегі жел электр станциясының құрылысын қаржыландыруды жоспарлап отырмыз. Бұдан басқа, біз Әзербайжанды ЖЭК реттеудің заңнамалық базасын әзірлеуде қолдадық. Әрине, мұның негізі ЕҚДБ мен Әзербайжан Энергетика министрлігінің көп жыл бойғы жұмысы болды», - деді басқарушы директор.

Патроне 2022 жыл ЕҚДБ мен Әзербайжанның жаңартылатын энергия көздері саласындағы жобалар бойынша ынтымақтастығында тарихи жыл болғанын айтты.

Естеріңізге сала кетейік, ЕҚДБ мен Әзербайжанның Энергетика министрлігі бұған дейін елдің Париж келісімі бойынша міндеттемелеріне сәйкес Әзербайжанда төмен көміртекті және климатқа төзімді энергетикалық секторды дамытуға бағытталған өзара түсіністік туралы меморандумға қол қойған болатын.