QAZAQ GREEN. АҚШ Энергетика министрлігі (DOE) таза энергия өндірісі және бұрынғы көмір аудандарында өнеркәсіпті көміртексіздендіру жобаларын қолдау үшін шағын және орта бизнесті қаржыландыруға 425 миллион доллар бөлетінін мәлімдеді, деп хабарлайды ESG Today.

2021 жылы Байден әкімшілігі қабылдаған инфрақұрылым туралы екі патриялы заңның шеңберінде қаржыландырылатын жаңа инвестициялар көмір шахталары немесе көмір электр станциялары жабылған энергетикалық қауымдастықтарда өндірістік жобаларды қолдау үшін BIL шеңберінде құрылған Advanced Manufacturing and Recycling Grant бағдарламасының екінші раундын құрайды.

Бағдарламаны қаржыландырудың жаңа раундында екі негізгі тақырып басым болады: «Таза энергияны өндіру және қайта өңдеу» — озық энергияны өндіру немесе қайта өңдеу үшін қолданыстағы өндірістік немесе қайта өңдеу кәсіпорындарын құру, қайта жарақтандыру немесе кеңейту жобалары және «Өнеркәсіптік көміртексіздендіру» — парниктік газдар шығарындыларын айтарлықтай азайту және төмен көміртекті материалдарды жасау үшін өндірістік объектілерді салу немесе жаңғырту.

Қаржыландыру бағдарламасына 1999 жылдан бері көмір шахталары немесе көмірмен жұмыс істейтін электр станциялары жабылған елді мекендерде орналасқан жобалар, сондай-ақ жылдық сату көлемі 100 миллион доллардан аз және кәсіпорындағы қызметкерлер саны 500-ден аз өндірушілердің жобалары қатыса алады.