QAZAQ GREEN. Еуропалық комиссия Таяу Шығыстағы соғыстың салдарынан туындаған энергетикалық дағдарысқа жауап ретінде төтенше және құрылымдық шаралар пакетін дайындады. Бұл жайлы Еуропалық комиссия төрағасы Урсула фон дер Ляйен комиссарлар алқасының отырысында мәлімдеді.

Оның айтуынша, қақтығыс басталғаннан бергі 44 күн ішінде, бұл бірде-бір қосымша энергия молекуласынсыз, ЕО-ның қазба отынын импорттау шоты 22 млрд еуродан астамға өсті.  «Бұл біздің қазба отынына шамадан тыс тәуелділігіміз үшін қаншалықты жоғары баға төлейтінімізді көрнекі етеді», - деп атап өтті фон дер Ляйен. Оның бағалауы бойынша, тіпті атыс кілт тоқтаған жағдайда да, Парсы шығанағынан энергия тасымалдағыштар жеткізудегі үзілістер біраз уақытқа дейін сақталмақ.

Дағдарысқа қарсы жоспардың егжей-тегжейлері келесі аптада Кипрде өтетін ЕО көшбасшыларының бейресми саммиті қарсаңында арнайы коммуникацияда ұсынылады.

Кезек күттірмес шараларға газ қоймаларын толтыруды үйлестіру және мүше мемлекеттердің нарықта бір-бірімен бәсекелесуіне жол бермеу үшін бүкіл блок бойынша мұнай қорларын босату кіреді. Сонымен қатар, осы аптада ақ мүше мемлекеттермен ең осал секторларға мемлекеттік көмек ережелерін жеңілдету бойынша консультациялар басталады. Фон дер Ляйен сәуір айында мемлекеттік қолдаудың жаңа мерзімдік шеңберін қабылдауға ниетті екенін білдірді.

Сұранысты азайту үшін Еуропалық Комиссия ғимараттарды қайта жаңарту және өнеркәсіптік жабдықтарды жаңғырту секілді энергия тиімділігін арттыру шараларын қарастыруда. «Ең арзан энергия - тұтынылмайтын энергия», - деді фон дер Ляйен.

Құрылымдық шараларға бөлігінде, комиссия электр энергиясына салық салу мен электр желісінің тарифтерін реформалау жоспарларын растап, тиісті заңнамалық ұсыныстар мамыр айында енгізілетін болады. Шығарындыларды сату жүйесін (ETS) толықтай қайта қарау шілде айында жоспарланған.

Фон дер Ляйен дағдарысқа стратегиялық жауап ретінде Еуропа экономикасын жеделдетілген электрлендіруді атады. Жаңартылатын энергия көздері мен атомды генерациялау ЕО-да электр энергиясын өндірудің 70%-дан астамын құрайды, дегенмен электр желілері мен сақтау жүйелерінің жеткіліксіз дамуына байланысты таза энергияның көп бөлігі сұанысқа ие болмай қалуда. Жаздың соңына дейін Еуропалық Комиссия жаңа өршіл нысаналы көрсеткішімен электрлендіру стратегиясын ұсынуға, сондай ақ электр желілерін дамыту пакетін жақын арада қабылдауға қол жеткізуге ниетті. Жеке инвестицияларды тарту үшін арнайы инвестициялық конференция өткізу жоспарлануда.