QAZAQ GREEN. Қытай мен Испания жаңартылатын энергия және жасыл технологиялар саласындағы ынтымақтастықты тереңдетуге, күн және жел энергиясын өндіру саласындағы бірлескен жобаларды кеңейтуге ниетті, деп хабарлайды «Жэньмин Жибао».

Бұл туралы ҚХР Коммерция министрі Ван Вэньтао Бейжіңде өткен Қытай-Испания инновациялық кәсіпорындар конференциясында мәлімдеді. Оның айтуынш,  екі тарап электромобильдер, зияткерлік өндіріс және жаңартылатын энергия көздерін дамыту секілді салалардағы ынтымақтастықты жандандыруды жоспарлап отыр.

Қытай Испаниямен үйлестіруді арттыруға және бизнес үшін жағдайды жақсартуға үміттенеді, бұл екі елдегі компаниялар арасындағы терең ынтымақтастыққа және өндіріс пен жеткізу тізбектерінің одан әрі интеграциясына ықпал етуі тиіс.

Испания Премьер-Министрі Педро Санчес екіжақты қарым-қатынастардың өркендеп келе жатқанын, сауда, инвестиция, өнеркәсіп және жасыл энергетика салаларындағы ынтымақтастық белсенді дамып келе жатқанын атап өтті.

Испания өз кезегінде қытайлық компаниялардың қатысуын кеңейтуге және инвестициялық ынтымақтастықты нығайтуға мүдделі. Конференцияға 100-ден астам бизнес өкілі қатысып, технологиялық және инвестициялық ынтымақтастықтың келешегін талқылады.