QAZAQ GREEN.  2025 жылғы 2-4 сәуір аралығында Алматыда PowerTech 2025 – көміртексіздендіру және жаңартылатын энергетика мәселелеріне арналған Орталық Азия конференциясы мен көрмесі өтеді. Іс-шара «Атакент» қазақстандық іскерлік ынтымақтастық орталығында өтеді және мемлекеттік әрі жеке компаниялардың өкілдерін, сондай-ақ жасыл технологиялар саласындағы мамандарды жинайды.

PowerTech 2025 шеңберінде Қазақстан орталық азиялық Ең озық қолжетімді технологиялар бюросының (ЕҚТБ) цифрлық платформасын ұсынады. Платформаны әзірлеумен «Халықаралық жасыл технологиялар және инвестициялық жобалар орталығы» айналысады. Оның мақсаты – экологиялық таза технологияларды енгізуге жәрдемдесу және Орталық Азияда қоршаған ортаға теріс әсерді азайту.

Көрмеде платформаның негізгі функциялары, соның ішінде салалық талдамаға, анықтамалықтарға және Қазақстан Үкіметі бекіткен Ең озық қолжетімді техникаларды (ЕОҚТ) енгізу бойынша өзекті ақпаратқа қолжетімділік көрсетіледі.

PowerTech 2025 үш арнайы бөлімді біріктіреді:

• Renewable Energy Expo – жаңартылатын энергия көздері,
• PowerTech Expo – энергетикалық технологиялар,
• Energy Save Expo – энергия тиімділігі саласындағы шешімдер.

Іс-шараға қатысуды Қазақстан, Қытай, Түркия, Австрия, Оман, Әзірбайжан, Өзбекстан, Беларусь және Ресей компаниялары растады. Басқа елдердің өкілдерімен де келіссөздер жүргізілуде.

Көрме барысында энергияны үнемдеу және көміртегі ізін азайту саласындағы жаңа технологиялар ұсынылады. 100-ден астам компания, 250 сарапшы және 5000 кәсіпқой қатысады деп күтілуде.

Қосымша ақпарат және тіркелу – powertechexpo.kz сайтында.