QAZAQ GREEN.  Қазақстан сутегі энергетикасы саласын Қазақстанның энергетика саласын одан әрі дамытудың перспективалы бағыты ретінде зерделеуде. Бұл туралы Энергетика министрі Болат Ақшолақов Алматыда өткен «Мұнай және газ» 28-ші Қазақстандық халықаралық көрмесі мен конференциясы (KIOGE) шеңберінде өткен «Қазақстан Республикасының мұнай-газ саласын дамыту: жаңа сценарийлер» пленарлық отырысы барысында хабарлады.

«Қазақстанның энергетикалық саласын одан әрі дамытудың перспективалық бағыттарының бірі ретінде сутегі энергетикасының рөлін атап өткім келеді.

Қазіргі уақытта біз 3 бағыт бойынша ғылыми зерттеулер жүргізудеміз:

·     Сутегі өндірісі;

·     Сутегіні тасымалдау және сақтау;

·     Сутегіні электр энергиясына айналдыру», - деді министр.

Оның айтуынша, электролиз әдісімен сутекті өндірудің сыртқы көзі ретінде зерттеуде жаңартылатын энергия көздері әрекет етеді - бұл дамып келе жатқан «Жасыл сутегі» әлемдік тұжырымдамасына сәйкес келеді.

Сондай-ақ Ақшолақов Қазақстанның ЖЭК саласындағы таяудағы жоспарлары туралы хабарлады.