QAZAQ GREEN. Германия экономикасының Орталық Азиядағы өкілдігі «Қазақстандағы циклдік экономика» жобасы аясында эко-апта өткізеді.

Неміс және қазақстандық сарапшылар экологиялық мәселелерді талқылау және халықаралық ынтымақтастықты дамыту үшін платформа құрды. Оның тұсаукесері 16 ақпанда «Қазақстандағы циклдік экономика» жобасының эко-апталығы кезінде өтеді.

«Осы жобаны іске асыру барысында қазақстандық және неміс сарапшыларының қатысуымен жұмыс тобы құрылды, сондай-ақ Тараз пилоттық қаласы үшін қалдықтарды басқару және менеджменті саласындағы экологиялық концепт әзірленді. Соңғы кезеңнің мақсаты эко-платформада білім беру іс-шараларын өткізу арқылы қоғамды экологияландыру болып табылады. Осыған байланысты 2023 жылғы 16 ақпанда Астана уақыты бойынша сағат 14:00 – 15:00 аралығында экологиялық мәселелерді талқылау және халықаралық әріптестікті дамыту үшін құрылған платформаның тұсаукесері өтіп, сондай-ақ 2023 жылғы 21-24 ақпанда өтетін алдағы іс-шаралардың аңдатпасы таныстырылады», - деп хабарлады ұйымдастырушылар.

Іс-шара барысында Қазақстан мен Германияның мемлекеттік құрылымдары мен бизнес-қоғамдастықтары өкілдерінің пікірталастары өтеді деп күтілуде.

Талқылау ортасында - Қазақстан нарығының әлеуетін, қалдықтарды басқару саласындағы бірлескен жобалар бойынша мүмкіндіктерді ұсыну, сондай-ақ екі елдің іскер топтарының байланысын нығайту.

Іс-шараға тіркелу осы сілтеме бойынша жүргізіледі