QAZAQ GREEN.  Қырғызстан 2026 жылы жаңартылатын энергия көздері мен шағын ГЭС арқылы электр энергиясын өндіруді 1,2-1,5 миллиард киловатт-сағатқа дейін ұлғайтады. Бұл туралы Жогорку Кенештің өнеркәсіптік саясат, көлік, отын-энергетикалық кешен, сәулет және құрылыс комитетінің отырысында энергетика министрінің орынбасары Насипбек Керимов мәлімдеді, деп хабарлайды 24.kg.

Осылайша, ол депутат Үмбеталы Қыдыралиевтің бүгінде республика өндіретін ЖЭК көлемі туралы сұрағына жауап берді.

Шенеуніктің айтуынша, елде ЖЭК арқылы электр энергиясын өндіруді ұлғайту бойынша жоспарлы жұмыстар жүргізілуде.

«2025 жылы сегіз шағын ГЭС пайдалануға берілді. Кеминде 100 мегаватт күн электр станциясы пайдалануға берілді. 2026 жылы «Бішкек солар» ЖШҚ 300 мегаватт күн станциясын салып жатыр және тамыз айына дейін біз 100 мегаватт пайдалануға беруге ниеттіміз. Сондай-ақ, инвестор 1 мың 900 мегаватт күн электр станциясын салуды жоспарлап отыр — мамыр айында 150 мегаватт, ал жыл соңына дейін тағы 450 мегаватт пайдалануға берілмек. ЖЭК дамыту саласында жұмыс істегісі келетін басқа да инвесторлар бар», — деп атап өтті ол.

Насипбек Керимов қазір ҚР 15,5 миллиард киловатт-сағат электр энергиясын өндіретінін ескерді. «Оның ішінде ЖЭК үлесіне 450-500 миллион киловатт сағат келеді. Биыл біз бұл көлемді 1,2-1,5 миллиард киловатт-сағатқа дейін жеткізуге ниеттіміз», — деп қосты ол.