QAZAQ GREEN. Siemens Energy және Dragados Offshore Германиядағы екі теңіз электр желілері үшін түрлендіру жүйелерін салуға Amprion келісімшартын жеңіп алды, деп хабарлайды Renews.biz.

Siemens Energy үшін 10 жылдық техникалық қызмет көрсету шартын қамтитын, құны 4 млрд еуро тұратын келісімшарт аясында неміс компаниясы түрлендіру техникасын, трансформаторларды және тарату құрылғыларын қоса алғанда, екі қосылу жүйесі үшін барлық негізгі жоғарғы вольтты жабдықты шығарады.

Dragados Offshore тиісті платформаларды салып, теңізде орнату жауапкершілігін өз мойнына алады. Құрылыс Испанияның Кадис қаласындағы компанияның кеме жасау кәсіпорнында жүзеге асырылады.

Қуаты 2 ГВт болатын қосылу жүйелері энергияны 2029 және 2030 жылдары-ақ береді деп күтілуде.

Siemens Energy бұл келісімшарттың теңіз желісіне қосылу үшін осы уақытқа дейін алған келісімшарттарының ішіндегі ең ауқымдысы екенін айтты.

Ол жеткізу көлеміне Төменгі Саксониядағы Верендорф пен Солтүстік Рейн-Вестфалияның солтүстік бөлігіндегі Вестеркаппельнге жақын орналасқан теңіздегі екі конвертер платформасы мен олармен байланысты құрлықтағы екі станция кіреді деп қосты.