QAZAQ GREEN. Әлем тарихта алғаш рет елеулі энергетикалық дағдарысқа тап болды, бірақ ол таза энергетиканың дамуына елеулі серпін берді, деп мәлімдеді 2023 жылдың 17 қаңтарында Давостағы Дүниежүзілік экономикалық форумда (ДЭФ) Халықаралық энергетика агенттігінің (ХЭА) атқарушы директоры Фатих Бирол.

Оның айтуынша, егер бұрын жаңартылатын энергия көздерін (ЖЭК) пайдаланудағы негізгі қозғаушы күш қоршаған ортаға қамқорлық болса, қазір ондай энергия көздері энергетикалық қауіпсіздікті қамтамасыз ету үшін қажет.

«Ұзақ мерзімді перспективада энергетикалық қауіпсіздік мәселелерін шешу таза энергетикамен байланысты», - деді Фатих Бирол.

Ол сондай-ақ әлемде электромобильдердің саны үнемі өсіп келе жатқанын айтты: «Егер 2019 жылы сатылған 100 көліктің тек үшеуі ғана электрокар болса, өткен жылы 100 көліктің 13-і электрокар екені сөз болды. Егер осылай жалғаса берсе, 2030 жылы Еуропада, АҚШ-та және Қытайда сатылған әрбір екінші көлік электрокар болады.

Бұған дейін ХЭА жаңартылатын энергетиканы дамыту жөніндегі есебінде ЖЭК-пен жұмыс істейтін генерацияның жиынтық белгіленген қуаты 2020 жылдан 2026 жыл аралығында 60%-ға өсіп, 4,8 мың ГВт қуатқа жететінін хабарлады.