QAZAQ GREEN. 2023 жылы жаңартылатын энергия көздеріне инвестицияланған қаражат көлемі 199,8 млрд теңгені құрады. Ағымдағы бағада бұл өткен жылмен салыстырғанда 4,5 есе (154,9 млрд теңге) артық. ҚР СЖРА ҰСБ деректері бойынша биылғы өсім – төрт жылдағы алғашқы өсім, деп хабарлайды Data Hub.

Көрсеткіш Ақмола облысының арқасында қатты секірді. Өңір барлық салынған қаражаттың 61%-ын (122 млрд теңге) және жалпы жылдық өсімнің 72%-ын (111 млрд теңге) жалғыз өзі қамтамасыз етті.

ЖЭК-ке тартылған инвестициялар сомасы бойынша екінші орынға Жамбыл облысы жайғасты – 40 млрд теңге. Одан әрі Қостанай (19,7 млрд теңге) және Түркістан (16,3 млрд теңге) орналасты.

ЖЭК-ке инвестициялар ағынын сезінген тағы үш өңірдің көлемі жалпы қорда елеусіз болып көрінеді: Қарағанды облысы – 1,3 млрд теңге, Алматы облысы – 490,5 млн теңге, Алматы қаласы – 1,7 млн теңге. 

Серпінді өсімге қарамастан, ЖЭК дамуына байланысты шығындар теңіздегі тамшыдай болып қуда. 2023 жылы инвестициялардың жалпы көлемі небәрі 1% құрады.