QAZAQ GREEN. 2023 жылы Қазақстанда «жасыл» экономикаға бағытталған инвестициялар 201 млрд теңгеге жетті — бұл өткен жылмен салыстырғанда 3,8 есе көп, деп хабарлайды Energyprom.

Өңірлік бөліністе сектордағы барлық инвестициялардың 60,7%-ы Ақмола облысына тиесілі болды, онда өткен жылы көрсеткіш бір жыл бұрынғы 11,1 млрд теңгеге қарсы 122 млрд теңгені құрады. Көшбасшы өңірлердің үштігіне Жамбыл (40 млрд теңге) және Қостанай (19,7 млрд теңге) облыстары да кірді. Жалпы, секторға инвестициялар еліміздің 20 өңірінің 10-ында ғана тіркелді.

Тікелей жаңартылатын энергия көздері саласында инвестициялар 199,8 млрд теңгені, парниктік газдар эмиссияларын азайту сегментінде — 1 млрд теңгені, энергия үнемдеу технологиялары және энергия тиімділігін арттыру саласында — 186 млн теңгені құрады.

Ағымдағы жылдың 1 шілдесіне қарай ЖЭК нысандарының белгіленген қуаты 2,9 мың МВт құрады, бұл өткен жылмен салыстырғанда 15%-ға көп.

Негізгі бөлігі жел және күн электр станцияларына келді. Жел электр станцияларының қуаты 1,4 мың МВт-қа жетті (жылына плюс 27,3%), күн қуаты — 1,2 мың МВт құрады (плюс 6,5%).

Осы уақытта шағын ГЭС қуаты 269,8 МВт (жылдық серпіндегі өсім — небәрі 0,9%), биоэлектростанциялардың қуаты — 1,8 МВт (бір жыл бұрынғыдай) құрады.

ЖЭС объектілерінің көрсеткіштері әлі де өсуге тиіс. Осылайша, Жамбыл облысында қуаты 2 ГВт жел электр станциялары салынады. Өңірде 22 күн, жел және гидроэлектр станциясы жұмыс істейді. Барлығы олар 500 МВт-тан астам электр энергиясын өндіреді.

2024 жылдың қаңтар–маусым айларында ЖЭК нысандарының электр энергиясын өндіруі 3,9 млрд кВт-сағатқа жетті — 2023 жылдың сәйкес кезеңімен салыстырғанда 16,3%-ға артық.

ЖЭК объектілері арасында электр энергиясын өндірудің көп бөлігі жел электр станцияларына тиесілі болды: 2,3 млрд кВт-сағ, плюс жылына 21,7%. Екінші қатарда күн электр станциялары (974,9 млн кВт-сағ, жылына минус 0,1%), үшінші қатарда — шағын ГЭС (595,4 млн-кВтсағ, плюс 28,9%) орналасқан. Биоэлектростанциялар тек 430 мың кВт/ сағ электр энергиясын өндірді — өткен жылдың қаңтар–маусым айларына қарағанда 76,1%-ға аз.

ЖЭК объектілері өндіретін электр энергиясының үлесі электр энергиясын өндірудің барлық көлемінен бір жыл бұрынғы 5,8%-ға қарағанда 6,5% құрады.