QAZAQ GREEN.  «Алтыналмас» алтын өндіруші компаниясы "Qazaq Green” ЖЭК қауымдастығының аккредиттелген бақылаушысы болып қабылданды. Осылай компания тұрақты дамудың жоғары стандарттарына беріктігін және "жасыл" энергетиканы дамытуға деген ұмтылысын көрсетеді.

«Qazaq Green» ЖЭК қауымдастығы» ЗТБ Қазақстанда жаңартылатын энергия көздерін дамытуға мүдделі инвесторлардың, девелоперлердің, жабдық өндірушілердің, халықаралық қаржы институттарының мен университеттердің басын біріктіреді. Қауымдастық мүшелерінің қатарында «KEGOC» АҚ, «ҚазМұнайГаз» ҰК АҚ, AIFC, Қазақстанның Даму Банкі, Еуразиялық Даму Банкі, Huawei, Хевел және басқалары бар.

«Алтыналмас АК» АҚ-ның көмір айыруға бағытталған жобалары бар. Мәселен, Компанияның Қарағанды облысындағы өндірістік алаңындағы Долинное және Пустынное кенорындары арасында күн панельдері арқылы жарықтандыру орнатылған. Баламалы энергия көздерін пайдалану жылыжайлық газдар шығарындыларын азайтуға, ол арқылы көміртегі ізін төмендетуге, қызметкерлердің еңбек жағдайларының қауптілігін төмендетіп, қоршаған ортаға қамқорлық жасауға мүмкіндік берді. Компания жобаға 178,6 млн теңгеден астам қаржы салды.

«Алтыналмас АК» АҚ Басқарма мүшесі, тұрақты даму жөніндегі бас атқарушы директоры Бахром Джалолов: ««Qazaq Green» ЖЭК қауымдастығына қатысуымыз Компаниямызда енгізілген ESG саясатының қағидаттарына негізделген. Өздеріңіз білетіндей, жаңартылатын энергия көздері көміртегі пайдалануды азайтудағы ең тиімді құралдарының бірі болып табылады. Сол себепті ЖЭК саласын үлкен қызығушылықпен зерттеп келеміз, «жасыл» энергетика жобаларын табысты іске асырамыз деп үміттенеміз. Әлеуметтік және экологиялық жауапкершілік аспектілерін бизнес-үдерістерге біріктіру Компаниямыздың тұрақты дамуы үшін қажетті шарт деп санаймыз», - деп атап өтті.

Компания «Qazaq Green» алаңының мүмкіндіктерін B2B және B2G келіссөздері арқылы өздерінің өндірістік алаңдарында «жасыл» энергетика жобаларын енгізу үшін оңтайлы және тиімді шешімдерді табуға бағыт алады.

«Qazaq Green» қауымдастығының мүшелері ҚР Энергетика министрлігі және Экология және табиғи ресурстар министрлігі аккредиттеген ұйым бола отырып, ақпараттық және талдамалық консультациядан мемлекеттік органдарға ұсыныстар енгізуге дейін ЖЭК бойынша білікті қолдау алады.

«Qazaq Green» ЖЭК» қауымдастығының директорлар Кеңесінің Төрағасы Нұрлан Қапенов: «Бүгінгі таңда біз нақты сектордағы компаниялардың экология мәселелеріне және көміртегі ізін азайтуға бағытталған жобаларды іске асыруға қызығушылығын көбірек көріп отырмыз. Қауымдастық әрдайым өз тәжірибесімен бөлісуге дайын, ол «Алтыналмас» компаниясы да ЖЭК саласындағы жобаларды іске асырады деп үміттенеді», - деп атап өтті.

«Алтыналмас» өз қызметін ESG үздік халықаралық тәжірибелеріне сүйене отырып жүргізеді. Ол GRI стандарттарының тұрақты даму рейтингінде қазақстандық компаниялардың алғы ондығы қаратына кіреді. Тұрақты дамудың маңызды мақсаттарының бірі – «жасыл» энергетиканы дамыту.