QAZAQ GREEN. 2024 жылдың бірінші жартыжылдығында Әзірбайжанда электр энергиясын өндіру 13 557,4 млн. кВтсағ құрады, оның 2 032,4 млн. кВтсағ (15%) көлемі жаңартылатын энергия көздерінен алынды. Бұл туралы Энергетика министрі Парвиз Шахбазов өзінің «Х» аккаунтында хабарлады.

Vesti.az хабарлағандай, осы кезеңде электр энергиясының экспорты 444 млн кВтсағ, ал импорты 96,4 млн кВтсағ құрады.

Шахбазов бірінші жартыжылдықта жылу электр станцияларында (ЖЭС) 11 525 млн кВтсағ өндірілгенін атап өтті. Жалпы өндірістегі «жасыл энергияның» үлесін арттыру тұрақты даму мен көміртегі ізін азайту жолындағы маңызды қадам болып табылады.

Бұл жетістіктер 2024 жылдың қарашасында Бакуде өтетін БҰҰ-ның Климаттың өзгеруі жөніндегі негіздемелік конвенциясы тараптары конференциясының алдағы 29-сессиясында (COP29) көрсетіледі. Осындай маңызды халықаралық іс-шараны өткізу Әзірбайжанның климаттық өзгерістерге қарсы жаһандық күреске белсенді қатысуға деген ұмтылысын көрсетеді.