QAZAQ GREEN. Wavepiston даниялық компаниясы қайта қаржыландыру үшін өзінің краудфандингтік науқанын ашты, әрі, науқан басталғаннан кейін небәрі бір апта ішінде €1,4 млн бастапқы мақсатына қол жеткізді, деп хабарлайды Offshore Energy.

13 ақпаннан бастап Seedrs платформасында көпшілік үшін ашылған екінші Wavepiston краудфандинг науқаны қазірдің өзінде €1,4 млн бастапқы мақсатынан асып түсті. Қосымша инвестициялау үшін 21 күн қалды.

Науқан 2020/2021 жылдардағы сәтті бірінші раундтан кейін өткізілуде, ол науқанда Wavepiston өзінің толқын энергиясын пайдалану технологиясын дамыту үшін 2,4 млн еуро тартқан еді.

Қазіргі краудфандинг науқанынан алынған қаражат көптеген жылдарға созылған ауқымды сынақтар мен әзірлемелерден кейін оның толқын энергиясын технологиясын көрсету мен коммерцияландырудың соңғы кезеңдерін қаржыландыруға мүмкіндік беретінін айтады компания.

«Біз Seedrs-те бір аптаның ішінде жария орналастырудан кейін мақсатымызға 100% қол жеткіздік. Мұны жүзеге асырған 611 инвесторға көп рахмет - сіздердің бізге қосылғандарыңызға қуаныштымыз».

«Біз қол жеткізген жетістіктерімізбен тоқтап қалмаймыз және науқанымызды тағы біраз уақыт жалғастырамыз. Бұдан кейінгі кез келген қосымша қаржыландыру біздің толқын мен су энергиясын пайдалану технологиямызды біртіндеп дамыту, сондай-ақ біздің жүйемізді алдағы уақытта коммерцияландыру үшін пайдаланылады», - деп мәлімдеді Wavepiston компаниясы қаржыландырудың мақсатты деңгейіне қол жеткізгеннен кейін.

Wavepiston толқын энергиясын пайдалану жүйесі мұхитта орналастырылған энергия коллекторларынан тұрады. Коллекторлар қысым арқылы теңіз суын шығарады, ол электр генераторлары мен суды тұщыландыру үшін кері осмос қондырғылары орналасқан жағалауға тасымалданады.

Естеріңізге сала кетейік, қазіргі уақытта компания Канар аралдарының мұхиттық платформасында толқын энергиясын пайдалана отырып, теңіздегі суды тұщыландыру жүйесін көрсетуге дайындығын аяқтауда (PLOCAN).