QAZAQ GREEN. Бішкекте 27 тамызда ҚР Энергетика министрі Таалайбек Ибраев Сауд Арабиясының «FAS Energy» компаниясының бас директоры Турки Альхокайрмен кездесті, деп хабарлайды Asia TV.

Ведомствоның мәліметінше, кездесу аясында тараптар мемлекетаралық энергетикалық ынтымақтастық, Қырғызстанның энергетикалық әлеуеті, жобаларды бірлесіп іске асыру, заманауи технологияларды қолдану тәжірибесімен алмасу мәселелерін талқылады.

Бұған қоса, ҚР Энергетика министрі Т. Ибраев пен «FAS Energy» бас директоры Турки Альхокайр ынтымақтастықты одан әрі тереңдету мақсатында меморандумға қол қойды.

Аталған меморандумның негізгі мақсаты мемлекеттік кәсіпорындар орналасқан үйлер мен ғимараттардың шатырларына күн батареяларын орнату болып табылады.

Іс-шараға Қырғызстанның Сауд Арабиясындағы елшісі Улукбек Марипов және екі жақтың да тиісті қызметкерлері қатысты.