QAZAQ GREEN. Chevron Direct Investment Fund Ltd. (CDIF) жеке компаниясы Маңғыстау облысындағы жаңартылатын энергия көздері саласындағы қазақстандық энергетикалық компаниямен «КТ сирек металл компаниясы» БК» ЖШС-мен 19 млн долларға инвестициялық келісім жасасты.

Инвестициялар Маңғыстау облысындағы үш жел электр станциясын (ЖЭС) біріктіруді көздейді: Форт-Шевченко ЖЭС, Сервис ЖЭС және Жаңғыз ЖЭС. Бұл мәміленің мақсаты жалпы электр энергиясын өндіру қуаты 58,6 МВт болатын өңірдегі жел электр станцияларының ірі тобын құру болып табылады.

«КТ сирек металл компаниясы» БК» ЖШС қазіргі уақытта Маңғыстау облысында жаңартылатын энергияның ірі өндірушісі Форт-Шевченко ЖЭС-ін оның тиімділігі мен электр энергиясын өндіру қуатын арттыру мақсатында толық жаңғыртуды жоспарлап отыр. Бұдан басқа, «КТ сирек металл компаниясы» БК» ЖШС пайдалануды жүргізудің жаңғыртылған жүйесіне байланысты өзінің негізгі өндірістік персоналын жоғары техникалық талаптарға сәйкес кеңейтуді жоспарлап отыр.

«Біз Қазақстанға жаңартылатын энергия өндіруге және көміртекті бейтараптық мақсаттарына қол жеткізуге мүмкіндік беретін жел электр станцияларына инвестициялар туралы хабарлауға қуаныштымыз. Бұл жоба экономиканы дамытуға, жұмыс орындарын құруға, қазақстандық кәсіпорындарды қолдауға және тұрақты дамуға үлес қосады», – деді Қазақстан Республикасының энергетика министрі Алмасадам Сәтқалиев.

CDIF мақсаты ақпараттық технологияларды, қоршаған ортаны қорғауды, тауарлар өндіруді және мұнай-газ саласында қызметтер көрсетуді қоса алғанда, бірақ онымен шектелмей, әр түрлі салалардағы коммерциялық пайдалы кәсіпорындарға инвестициялау арқылы Қазақстан Республикасының экономикасын дамытуға оң үлес қосу болып табылады.

«Компания әр түрлі салаларда жергілікті кәсіпорындарды дамыту мақсатында Қазақстандағы инвестициялық мүмкіндіктерді қарауды жалғастыруда және әлеуетті өтінім берушілерді CDIF сайтына өтуге шақырады, онда іріктеу критерийлерін, инвестициялық процестің сипаттамасын, сондай-ақ қаржыландыруға өтінім нысанын қоса алғанда, барлық қажетті ақпаратты табуға болады», – деп қорытындылады CDIF.