QAZAQ GREEN.  «Самұрық-Энерго» АҚ Басқарма төрағасы Қайрат Мақсұтов Harbin Electric International Co., Ltd.  Партия комитетінің хатшысы және Президенті Ли Чао мырзамен кездесті.

Келіссөздер қорытындысы бойынша тараптар ағымдағы жобалардың мәртебесін талқылап, энергетика саласындағы бірлескен жобаларды іске асыру жөніндегі Ынтымақтастық туралы меморандумға қол қойды. 

Меморандум энергетикалық инфрақұрылымды жаңғырту, жаңартылатын энергия көздерін дамыту және инновациялық технологияларды енгізу бағыттарын қамтиды.

«Таза көмір» технологиялары, көміртекті ұстау, сутегі энергетикасы, зияткерлік энергетика сияқты озық салаларда ынтымақтастықты пысықтау үшін бірлескен жұмыс тобын құруға ерекше назар аударылды.

Самұрық-Энерго басшысы Қайрат Мақсұтов Harbin Electric компаниясымен серіктестік отандық кәсіпорындар үшін жаңа мүмкіндіктер ашатынын және энергетика саласында үздік озық шешімдерді енгізуге ықпал ететінін атап өтті. 

Harbin Electric сияқты жетекші ойыншымен Меморандумға қол қою саланы дамыту және Қазақстан мен ҚХР арасындағы стратегиялық ынтымақтастықты одан әрі нығайту үшін маңызды қадам болып табылады.