QAZAQ GREEN. 18 қаңтарда «Qazaq Green» ЖЭК қауымдастығында Директорлар кеңесінің 2023 жылғы алғашқы отырысы өтті.

Отырыста қауымдастықтың 2022 жылғы жұмысы қорытындысы және 2023 жылға арналған жұмыс жоспары қаралды. Қауымдастықтың 2023 жылға арналған жұмыс жоспары 5 бағытты қамтиды: саланы дамытудың стратегиялық бағыты бойынша жұмыс, нормативтік-құқықтық қамтамасыз ету, білім беру қызметі, көміртегі нарықтарын дамыту, ЖЭК секторын дамытуды ақпараттық қолдау. 2023 жылға жоспарланған ірі шаралардың арасында Qazaq Green Fest-2023 ЖЭК бойынша II халықаралық фестивалін өткізу мәселесі талқыланды.

Сондай-ақ, отырыста Директорлар кеңесінің жаңа мүшелері: «SSDC» ЖШС директоры Аида Мақсұт және «ЦАТЭК Green Energy» ЖШС бас заңгері Арсений Катеруша таныстырылды.

Берілген өтініштердің негізінде Директорлар кеңесінің шешімімен қауымдастық мүшелерінің құрамына Jinko Solar компаниясы, ал аккредиттелген бақылаушы ретінде «Алтыналмас АК» АҚ қабылданды.

Отырысқа қатысушылар сонымен қатар Қазақстанда ЖЭК секторын дамытудың өзекті мәселелері бойынша пікір алмасты: қуаты 1 ГВт болатын ЖЭК жобасын іске асыру жөніндегі үкіметаралық келісім, шағын ГЭС жобаларын іске асыру, шағын ауқымды ЖЭК дамыту, ЖЭК нысандарына нақты уақыт режимінде бірыңғай сатып алушы мен электр энергиясының теңгерімдеуші нарықтың енгізілуінің әсері, ҚР электр энергетикасы саласын дамыту стратегиясын әзірлеу қажеттілігі. Осы мәселелерді бақылауға алу, оларды түрлі алаңдарда талқылауға белсенді қатысу және Директорлар кеңесін ағымдағы жай-күйі туралы хабардар етіп отыру туралы шешім қабылданды.

«Qazaq Green» ЖЭК қауымдастығының Директорлар кеңесі қауымдастық қызметін үйлестіруді жүзеге асыратын қауымдастықтың алқалы басқару органы болып табылады. Директорлар кеңесінің құрамына электр энергетикасы және ЖЭК саласының беделді сарапшылары: Соспанова А.С., Шкарупа А.В., Тюгай В.Г., Момынбаев Ж.Б., Хисамидинова К.Р., Билялов Е.М., Стиллавато А., Слесаренко А.В., Мақсұт А., Катеруша А.В. кіреді. Қауымдастықтың Директорлар кеңесінің төрағасы Капенов Н. Н.